Hæbb!

 Mig vantar hugmyndir að bollum, uppskriftir væru þá vel þegnar

Vorum að koma heim af eldhúspartýi Fm957. Þetta skiptið var farið, eins og fyrra skiptið, út í skíðaskála í Hveradölum og voru það meistarar Dalton og ekkisvomikill meistari Einar Águst sem kokkuðu upp þessa líka svaða fínu stemningu. Leynigestir voru engir aðrir en Raggi Bjarna og Þorvaldur Ásgeirsson(eða eitthvað svoleiðis, man eiginlega ekki alveg hvað blessaður maðurinn heitir). Allavegana, þá tókst gömlu köllunum bara asskoti vel að halda uppi stemningu... sem er eitthvað annað en hægt er að segja um Einar Ágúst. Einar Ágúst ákvað að nota kvöldið í að kynna rækilega nýju plötuna sína sem verður gefin út á morgun og endurtók það svona 15 sinnum að platan hans kæmu út á morgun, spilaði nærriþví eingöngu lög af nýja disknum og fólk gat sama og ekkert sungið með honum. Þetta varð til þess að það var hálfgert skvaldur á svæðinu og enginn virtist vera að fylgjast neitt með því sem hann var að syngja um(skil það reyndar mjög vel, alveg hægt að velja lög á svona vettvangi sem fólk getur sungið með ).

Kvöldið endaði reyndar með ósköpum, einhver sterabolti barði tönn úr öðrum fyrir að hafa verið eitthvað að pæla í skvísunni hans(steraboltans sko) og fólk náði síðan að svindla bjór í rútuna og þurfti endilega að sitja í sætunum fyrir aftan okkur... til að toppa þetta, þá var bílstjóranum alveg sama um þetta og gerði ekkert í þessu þegar honum var bent á gæjana með bjórinn fyrir aftan okkur.

Ég ætla mér nú samt að fara á næsta eldhúspartý, ef ég næli mér í miða. Þá verða Páll Óskar og Magni í eldhúsinu

Íslandsvinur. Þetta  er eitthvað það allra fáránlegasta orð sem ég hef heyrt fjölmiðla nota yfir fræga fólkið sem álpast á okkar litla klaka. Þurfa ekki að koma nema einu sinni til landsins og þá eru þau orðin "Íslandsvinir". Meira að segja Robbie Williams er talinn "Íslandsvinur" og hann var grýttur með flösku á tónleikunum sem endaði með því að hann rauk af sviðinu í svaka fýlu og hefur sagt að hann ætlaði sér aldrei að koma aftur til landsins

Jæja!

Þá er helgin búin og við búin að vera vægast sagt geðveikt dugleg með íbúðina okkar. Ég kláraði loksins eldhúsið og Sara kláraði næstum því svefnherbergið okkar(vantar bara einn vegg upp á

Skelltum okkur síðan í bíó í gærkveldi. Fórum á mynd sem heitir Eastern Promises. Þarna erum við að tala um skemmtilega brutal mynd sem fjallar um ljósmóður sem ákveður að reyna að hafa uppi á fjölskyldu einnar unglingsstelpu sem drepst á spítalanum sem hún er að vinna á. Stelpan deyr semsagt þegar hún er að fæða barn og ljósmóðirin ákveður að reyna að hafa upp á fjölskyldu stelpunnar, svo að litla barnið þurfi ekki að lenda í ættleiðingarkerfinu. Kemur síðan í ljós að stelpan sem dó hafði lent svona líka illa í klónum á mafíu og er ljósmóðirin þá að koma sjálfri sér í vandræði með þessari forvitni sinni. Klassa mynd, mæli sterklega með henni

En já, þarf að fara að drífa mig í vinnuna... vagninn keyrir sig víst ekki sjálfur

Adios!

Vorum að koma heim af afmælisdjammi. Okkur var semsagt boðið í 35 ára afmæli frænda hennar Söru. Ákváðum að gefa honum svolítið veglega afmælisgjöf, þar sem hann hefur jú reynst henni Söru minni mjööög vel, og jú mér líka eftir að við tvö byrjuðum saman.  Síðan í partýinu, þá var maður tilbúinn með myndavélina til að ná svipnum á kvekendinu þegar hann næði loksins utan af pakkanum, en náði ekki að taka myndina af honum... því vélin tók ekki nógu hratt myndir sökum skorts á birtu. Spjölluðum heilmikið við félaga Hauks(Haukur er afmælisbarnið, mestmegnis um bílaraunir og höfðum asskoti gaman að. Kjellinn, þ.e.a.s ég endaði á því að drekka 5 stykki Kalla(Carlsberg) yfir tímabilið(partýið+leiðin heim). Það var semsagt mjög mikið hlegið og mjög mikið af sögum látið flakka sem fólk hafði ekki heyrt áður.

Pís át! 

Jæja!

 Löngu kominn tími á nýja skoðanakönnun, enda búinn að vera í löngu fríi 

Síðasta könnun fór þannig að flestir voru á því að eðlilegast væri að gifta sig á bilinu 18-25 eða eitthvað. En já, endilega taka þátt í nýju skoðanakönnuninni  

Erum á fullu núna að reyna að gera íbúðina fína fyrir morgundaginn. Málið er að þá verður dagskráin svoldið þétt og munum við ekki hafa neinn tíma til að gera eitt né neitt í íbúðinni... og mamma hennar Söru er mögulega að koma í heimsókn um helgina. Erum semsagt að klára að mála gestaherbergið, ég er síðan að fara að mála eldhúsið(þó fyrr væri).

Ég ákvað síðan eftir smá spjall við yfirmann minn að gefa vinnunni smá séns. Hann sagðist ætla að laga það sem var að gera það að verkum að mér leið svona illa í vinnunni, sem var þetta: vagninn stútfyllist oft, og þó svo að fólk sjái að vagninn er troðinn... þá reynir fólk samt að troða sér inn í hann ef ég þarf að stoppa á biðstöð til að hleypa fólki út. Annað vandamál sem ég nefndi við hann var að maður ætti mjög erfitt með að halda áætlun, að ég næði þá varla matarpásum ef ég yrði settur á stærri bíl til að laga þetta stútfyllist dæmi... þá var mér bara sagt að kalla í talstöðinni og láta vita að ég væri seinn og þeir myndu setja annan bíl inn á hringinn svo ég næði pásunni. Þriðja vandamálið sem ég nefndi gat hann hinsvegar ekki lagað, en það er hálkan hérna útfrá. Málið er það að það er bara saltað til 3 eða eitthvað álíka og ef það snjóar eftir það, þá er maður bara screwed. Gaurinn sagði mér að þetta væri yfirleitt alltaf svona í byrjun hvers vetrar þegar fyrstu frostin koma, þá séu þeir seinir á sér að byrja að salta og svona... en annars eigi söltun að vera tip-top hérna útfrá. Bottom line, ég verð eitthvað áfram hjá Sbk... allavegana gefa þessu smá séns áfram.

Anyways, farinn að gera eitthvað gagn hérna... mála eldhúsið  

Heihó... Keikó!

Nei bara smá flipp Ég er sumsé enn á lífi, þrátt fyrir mjög svo blogg-snautt líf síðustu mánuði(eða hvað það er nú komið langt síðan síðast). Heill hellingur búinn að gerast síðan síðast.

Skellti mér til Þýskalands í júlí með dömunni minni. Vorum í 10 daga þarna úti í alveg meiriháttar góðu veðri. Ferðin gekk nú samt ekki alveg hnökralaust fyrir sig, því mamma benti okkur á að kíkja á garð sem heitir Vogelpark (sem útleggst Fuglagarður á íslenskunni). Málið er það að mamma benti okkur á þennan garð, sem átti að hennar sögn að vera nálægt Berlin, en gat samt ekki gefið okkur nánari upplýsingar... ekkert götuheiti eða neitt meira. Við ákváðum að prófa að skella bara Vogelpark inn í navigation tækið sem var í bílnum og sjá hvað kæmi út úr því. Jújú, fannst Vogelpark, en í 400 km fjarlægð eða eitthvað álíka langt... get ekki alveg sagt að það sé nálægt Berlin. Hvað um það, við ákváðum samt sem áður að skella okkur, en þegar við svo loksins komum þangað, þá kom í ljós að þessi blessaði garður hafði verið lokaður í þó nokkurn tíma og ekkert um að vera... bara skilti á jörðinni undir tré. Fundum síðan einhvern bæ þarna rétt hjá sem var bara ansi fallegur og tókum heilan helling af flottum myndum þar.

Við vorum semsagt 2 nætur í Berlin áður en við skelltum okkur yfir til Frankfurt, þar sem við vorum 3 nætur. Skoðuðum gamla heimabæinn minn, Langen, sem er í svona 10 mínútna fjarlægð frá Frankfurt og er ekki laust við að maður hafi verið svoldið klökkur yfir að sjá gamla pleisið sitt aftur. Fórum á veitingahús sem er á jarðhæðinni í blokkinni sem ég átti heima í og fengum okkur að borða eitt kvöldið... einhverskonar kjöt og svo franskar(bestu franskar sem við höfum fengið. Annars vorum við líka rosalega hrifin af veitingastað rétt hjá hótelinu sem við vorum á í Frankfurt, fórum þangað reglulega og fengum okkur Currywurst(pylsa með karrísósu og karríkryddi). Skelltum okkur í dýragarðinn í Frankfurt og svo þegar þessir 4 dagar voru búnir, þá brunuðum við yfir í Soßmar og Hohenhameln, þar sem við fengum að gista hjá langömmu restina af ferðinni okkar. Fengum síðan að vita frá frænku minni að Vogelpark væri síðan eftir allt saman rétt hjá Hohenhameln og ákváðum við að skella okkur þangað, þar sem mamma hafði talað svo fallega um garðinn... að hann væri bara paradís á jörðu, blóm út um allt og heill garður með nærri því eingöngu fuglum. Garðurinn stóðst algerlega væntingar, því þetta var alveg ótrúlega fallegt þarna, örugglega allar tegundir fugla sem hægt er að finna í heiminum og blómin... vá vá! Sýndi síðan dömunni svæðið sem Oma og þau eiga heima á og svo skelltum við okkur heim. Tókum yfir 1200 myndir á þessum 10 dögum

Ég er síðan hættur hjá Strætó bs. núna, kominn yfir til Sbk, því við ákváðum að flytja til Keflavíkur. ALLTOF dýrt að kaupa í Rip-off-vík. Anyways, þá er ég samt að fara að hætta hjá Sbk aftur, því mér líður virkilega illa í þessu starfi. Ætla að líta aðeins í kringum mig, sjá hvort maður finni ekki eitthvað sniðugt hérna... ef ekki, þá fer maður líklega bara að harka full time.

Keyptum okkur síðan kort í ræktina áðan, fórum í einhvern Body pump tíma klukkan fokking 6:05!! Hvað er málið eiginlega með að hafa tímana svona snemma?? Erum búin að vera voða dugleg síðustu daga með að borða heilsusamlega og búin að minnka allverulega við okkur í kók drykkju   Ættum að vera komin í ágætis form einhverntíman fyrripartinn næsta árs, erum allavegana byrjuð

Já gott fólk, ég er búinn að komast að því að ég er með asskoti stórt skap. Var kominn inn á Kirkjusand(þar sem vagnarnir eru geymdir á næturnar) um 22 leytið og stóð síðan í hliðinu að bíða eftir að ná leið 14 upp á Hlemm. Stóð síðan þarna eins og vitleysingur, veifandi höndunum út í loftið og ekki stoppaði vagninn fyrir mér... þannig að Arnar litli þurfti að rölta upp á Hlemm eftir bílnum sínum. Þetta varð síðan til þess, að í staðinn fyrir að ég færi beint heim, þá brunaði ég alveg sótillur niður á Granda að skammast í vagnstjóranum sem stöðvaði ekki fyrir mér. Þegar ég kem út á Granda, þá er vagninn nýkominn á staðinn og passaði akkúrat fyrir mig að parkera þarna rétt fyrir framan. Ég rauk síðan út og get svo svarið það að karlgreyið hefur örugglega orðið pínulítið hræddur við mig, því ég hef örugglega ennþá verið þokkalega illur og sést mjög vel á mér í hvernig skapi ég var í. Hann baðst alveg innilega afsökunar á að hafa ekki stoppað og pikkað mig upp, að hann hafi ekki ætlað að særa einn né neinn

Síðan keyri ég bara heim á leið og ákveð einhverra hluta vegna að keyra Bústaðaveginn. Neinei, þá lendi ég á eftir einhverri kerlingarbeyglu sem hefur örugglega aldrei heyrt um hina 4 gírana á bílnum...OG hefur í þokkabót pottþétt verið með bílinn í handbremsu. Þetta var ekki alveg að bæta skapið hjá mér, sem var nú nokkuð slæmt fyrir... síðan til að toppa þetta allt saman, þá byrjaði að SNJÓA  *krumpf*

Ég dríf síðan loksins heim, alveg ágætlega sáttur við að geta loksins slappað af... en neeeeii, þá áttaði ég mig á því að ég hafði gleymt handfrjálsa í vagninum, þannig að ég þurfti að rúlla aftur niður á Kirkjusand að ná í þetta.

Ætlaði síðan að blogga núna um daginn. Málið er að ég var að hlusta á útvarpið í vinnunni og bara gjörsamlega límdist við eina útvarpsstöðina... því útvarpsmaðurinn var svo geeeðveikt hress og skemmtilegur. Hann var ekki svona þessi venjulega hressa týpa, heldur svona eins og maður heyrir oft í erlendum útvarpsmönnum... eða í þeim sem stjórna tækjum í tívolíum "do you wanna go faster?? scream if you wanna go faster! ". Var svona svoldið æði á honum eða eitthvað, allavegana mjög skemmtilegt að hlusta á hann. Ásgeir Páll heitir hann víst, heyrði það í endann á þættinum

Anyways, þá langar mig líka að benda ykkur á að pulsan(löggan) er búin að setja upp hraðamyndavélar í boxin á gatnamótum Miklubrautar og Grensásvegar... bara svona þannig að þið verðið bremsunni á þessu svæði

Halló halló gott fólk!

Ég er þá snúinn aftur... til þess að vara ykkur við lélegum eftirlíkingum. Málið er það að einhverjum grínistanum datt í hug að búa til Coke ZERO. Eins og Diet kókið hafi nú ekki verið nógu andskoti vont, þá fá þeir einhverra hluta vegna svona hugdettu "hey! búum til ennþá verra "kók"." . Ég var semsagt að smakka þenna viðbjóð áðan og verð að segja fyrir mitt leyti að þetta bragðaðist ekkert eins og kók, alls ekki neitt. Mín fyrstu viðbrögð voru "hey... það virðist vera ákveðin vöntun á kókbragði hérna", á meðan viðbrögðin hjá Sörunni minni voru "Nei vá!... alveg eins og koooóóók.... bleehh, vont eftirbragð".

Við urðum semsagt sammála um að þetta er virkilega vont og ætti engan veginn að kallast Coke, heldur kúk, eða cock eða eitthvað álíka(gælunöfnin eru algerlega mínar vangaveltur yfir nöfn sem myndu hæfa þessari vöru betur). Ef einhverjum ólánsömum einstaklingi sem hefur haft þá óánægju að smakka þennan óþverra dettur eitthvað betra nafn í hug, þá má endilega setja það í comment

Það sem hefur svona helst verið að gerast hjá manni síðan síðast er eftirfarandi:

1. Sara flutti inn til mín, hundurinn missti fljótlega áhuga á mér eftir það, þannig að hún gaf mér ástarfugl... þannig að við erum núna orðin þriggja "manna" fjölskylda

2. Ég fékk ekki að vera áfram eftir áramót hjá Strætó bs. , þeir vildu víst meina að ég hefði verið svo mikið frá og eitthvað bullshit bara. Ég fékk einhverja vinnu upp á spítala við að keyra mat á deildirnar en hætti þar eftir alveg óóótrúlega stuttan tíma, því launin voru örugglega verri en atvinnuleysisbæturnar. Reddaði mér síðan vinnu hjá Íslenska gámafélaginu, við að keyra frontloader. Vann þar í 5 nætur eða eitthvað og komst þá að því að ég gat ekki unnið þá vinnuna, því ég var alveg ónýtur í bakinu eftur vaktirnar og svo er hálsinn og vinstri hendin á mér líka í hönk. Ákvað að skella mér síðan bara niður á Strætó og athuga hvort ég fengi nú ekki séns, þannig að ég er kominn aftur að keyra strætó núna. Er á þriggja mánaða samningi eins og er, fæ síðan annan þriggja ef þessi gengur vel og svo árs samning eftir það. Ég er allavegana geðveikt sáttur eins og er

3. Ég og Saran mín erum að plana að kaupa íbúð, eftir að hafa fengið ágætlega netta útreið frá gamla settinu á neðri hæðinni. Þau vilja hundinn út, þannig að við ákváðum bara að fara að leita að nýju pleisi til að vera á MEÐ hundinn og fuglinn. Annars var þetta nú ekki eina sem þau voru að skammast í okkur, en það verður nú ekki farið nánar út í það... getum bara orðað það þannig að það voru mjög svo óþægilegar "samræður".

4. Skelltum okkur á 90's ball á Nasa síðasta laugardag. Hef bara sjaldan vitað annað eins stuð, vorum bara dansandi liggur við non-stop allan tímann sem við vorum þarna. Mættum á svæðið um 12 leytið og fengum þá að vita að það yrði ekki hleypt inn fyrr en eftir sirka HÁLFTÍMA, þó svo að auglýstur tími væri 00:00. Anyways, komumst loksins inn í hlýjuna og fórum síðan heim um ??:?? (vorum alveg þangað til að fjörið var mestmegnis búið).

En jæja, held ég láti þessa upptalningu mína duga. Segi bara "varist eftirlíkingar, ekki drekka kúk þegar þú getur drukkið kók"

**TIL SÖLU**

Er að selja bíla hátalarana mína. Erum að tala um 6 stykki, bassabox og magnara. 2x85wött, 2x90wött, 2x200wött og svo er bassaboxið 500wött... allar tölur í rms wöttum. Bassaboxið er síðan með innbyggðum magnara, þannig að það þarf ekki magnara fyrir boxið.

Sel allan pakkann á 170þús, eða staka hátalara(í pörum að sjálfsögðu)... bara eftir því hvað fólk vill

Já kallinn er mættur aftur eftir heljarinnar bloggleysu. Búinn að vera með ritstíflu, eða bara þjáðst af allsherjar bloggleti.

Fór í keppnisferð til útlanda með vinnunni í síðasta mánuði. Byrjuðum á að hittast niðri á Kirkjusandi(þar sem vagnarnir eru geymdir á nóttunni). Fórum öll saman í rútu þaðan og upp á flugvöll og kom strax í ljós í rútunni að þetta yrði alveg mögnuð ferð... meiriháttar stemning í hópnum og mikið um grín og fíflalæti.

Flugum frá Kef til Stokkhólms og þurftum þar að fara að basla eitthvað við að redda okkur strætó niður á höfn, þar sem beið eftir okkur þetta líka geggjað flotta skip til að ferja okkur yfir til Tallin. Erum að tala um hérna 10 hæða ferju með diskóteki, casino, tveggja hæða skemmtistað og karókístað. Á skemmtistaðnum var boðið upp á allskonar skemmtiatriði fram á kvöld; eins og danssýningu, farið í limbókeppni og svo var hljómsveit sem spilaði langt fram á kvöld á sviðinu þarna. Komst síðan að því að meiri hluti íslenska hópsins var búinn að planta sér á karókístaðnum og var ég manaður í að taka lagið, sem ég og gerði og fékk að launum stríðni eftir á. Ákvað að taka Killing me softly með Fugees, en lenti á alveg hræðilegri útgáfu... því þeir voru með útgáfu þar sem maður þurfti að rappa líka og þá stóð ég bara eins og illa gerður hlutur uppi á sviði á meðan textinn birtist á skjánum. Fékk síðan að heyra það eftir á að ég hefði frekar átt að taka Killing me quickly

Komum síðan til Tallin einhverjum 16 tímum eftir brottför frá Stokkhólmi. Lenti í því að sofa svona líka hressilega yfir mig, þó svo ég hefði stillt vekjarann á símanum að vekja mig klukkan 8. Fattaði það síðan eftir á að ég hafð víst ekki stillt klukkuna á símanum á útlandatímann, að hún væri ennþá stillt á íslenskan tíma. Þannig að ég missti þarna af morgunmatnum og þurfti þvílíkt að hlaupa út úr skipinu þegar ég var búinn að klæða mig.

Vorum síðan heilan dag + nótt í Tallin í alveg meiriháttar veðri, fórum á alveg ofboðslega flottan veitingastað sem heitir Beer House. Staðurinn er látinn líta svoldið út eins og maður sé kominn inn á vestra-bar. Síðan fékk fólk sér nú öl í hendi og var meira að segja í boði líters bjór í krús, ekkert smá magnað að sjá stærðina á þessu. Ég allavegana varð vel ölvaður af þessum fjanda og endaði nóttina á heldur óskemmtilegan hátt. Hélt ég hefði týnt töskunni minni, sem ég var yfirleitt alltaf með á öxlunum... og hélt þar af leiðandi að ég væri búinn að glata passanum mínum og fékk þarna eitthvað það rosalegasta panic kast sem ég hef nokkurntíman fengið Taskan var síðan bara á gólfinu upp við vegg þegar ég vaknaði, og leið mér þá strax betur að vita af því að vera ekki búinn að týna einu né neinu... en leið samt hálfpartinn kjánalega yfir því hvernig ég lét um nóttina

Fórum síðan með spíttbátum frá Tallin yfir til Helsinki, tók ekki nema 90 mínútur. Get nú samt ekki beint sagt að ég hafi notið þeirrar ferðar, því ég var alveg með ólíkindum þunnur... svaf meirihlutann af leiðinni. Kíkti síðan upp á dekk þegar við vorum um það bil að koma og stuttu síðar fengum við þessa líka svaaaaka hlussu dropa á okkur

Þegar við komum til Helsinki, þá beið þarna eftir okkur rúta sem flutti okkur á hótelið okkar... en ekki fyrr en við vorum búin að fá smá sight-seeing um borgina, búin að fá kort í hin ýmsu farartæki og kort yfir borgina. Komum síðan á hótelið, sem ég held að sé alveg pottþétt allavegana fjögurra stjörnu... fengum lyklana(kortin) að herbergjunum og farið í það að finna herbergin. Fannst þokkalega magnað að maður þurfti ekkert að fara út til að komast í mall-in, gátum tekið lyftuna niður á neðstu hæð og þá var maður kominn í undirgöng yfir í mall-in. Síðan þurfti maður að nota kortin að herbergjunum á lyftuna til að komast það sem maður ætlaði sér. Ég og 3 önnur sem héngum oftast saman þarna í Helsinki vorum dugleg að rölta um borgina og vorum, að því að ég held alveg pottþétt, þau einu af íslenska hópnum sem notaði kortin sem við fengum þegar við komum til landsins... skelltum okkur í sporvagna, ekkert smá fjör

Síðasta daginn sem við vorum þarna úti, þá var ökuleikniskeppnin haldin og enduðum við íslendingarnir í öðru sæti í þetta skiptið, á eftir finnunum. Eftir keppnina, þá fóru öll liðin saman á stað og var haldið lokahóf(sem mér fannst reyndar enda allt allt of snemma). Eftir lokahófið, þá ákváðu nú samt alveg ágætis slatti af liðinu að skella sér á einhvern skemmtistaðinn í bænum og endaði ég þá á því að fara í blackjack á staðnum... borgaði meira að segja upp bjórinn sem mér var lánaður

Daginn eftir var haldið heim á leið, og fórum við þá með ennþá stærra skipi yfir til Stokkhólms heldur en við fórum með yfir til Tallin frá Stokkhólmi. Þetta skip var alveg rosalega stórt, alveg 13 hæðir og virkaði svo ofboðslega stórt að þegar við komum um borð, þá spurðum við hvort annað "hvar er skipið" Ég er ekki að grínast með þetta, það er göngugata í skipinu, sem er svo stór að það væri auðveldlega hægt að keyra bíl þarna. Síðan hélt maður nú að við hefðum verið að koma inn á fyrstu hæð, en neinei, þá komum við víst inn á sjöundu hæð. Alveg heill hellingur af verslunum þarna, nokkrir veitingastaðir, pöbbar, casino og svo skemmtistaður á 2 hæðum. Á tólftu hæðinni var síðan sundeck, þar sem fólk gat legið og sólað sig í góða veðrinu... sá síðan líka alveg ofboðslega flotta heita potta þarna inni á tólftu hæðinni. Síðan ef maður fór upp á þrettándu hæð, þá var þar diskótek með karókí, bíósalur og svo var þarna líka herbergi með 3-4 Playstation 2, 4 PSP, fullt af mp3 spilurum eða einhverju svoleiðis og svo stærðarinnar borð með fullt af pc vélum á Semsagt, eitthvað fyrir alla um borð í þessu skipi. Ég get ekki sagt annað en að ég hafi skemmt mér alveg meiriháttar vel um borð í þessu skipi, en endaði síðan dvöl mína þarna á því að týna veskinu mínu.

Sendi þeim mail með upplýsingum um veskið, hvað væri í því og svo framvegis og var svo ekkert að gera mér neinar vonir með að það hafi fundist, því ég fékk engin svör. Síðan einn daginn, þá fæ ég bréf í pósti, merkt skipinu og þá hafði veskið víst fundist en ég þarf að borga eitthvað til að fá það aftur.

Heyrðu, síðan kom kellan í bæinn um gaypride helgina. Minns varð alveg meiriháttar fúll yfir göngunni, því ég festist á Hlemmi á meðan gangan var að fara framhjá. Var sko í vinnunni þegar hún var, og varð alveg hálftíma of seinn út af þessu öllu saman og það var alls ekki að fara vel í mig. Anyways, skellti mér síðan á Nösina á Palla-ballið með Sörunni minni. Skemmtum okkur alveg rooosalega vel. Félagi minn var í því að bjóða okkur skot þarna og drykki og svo var farið að dansa. Plöntuðum okkur uppi á sviði, reyndar alveg uppi á palli þar sem Palli var að spila og svo var bara dansað af sér skóna(eða öllu heldur skyrtunni) Það var svo hrikalega heitt þarna að ég endaði á því að fara úr skyrtunni til að halda lífi. - Vorum svo nett letileg daginn eftir, lágum bara uppi í rúmi og gláptum á þætti eða eitthvað(minnir mig).

Ég skellti mér síðan norður helgina á eftir(eða þarnæstu á eftir). Ætti eiginlega að skrifa svona lagað jafnóðum og það gerist, því ég er ekkert voðalega minnugur um tímasetningar. Anyways, skellti mér norður með Púka (hvolpinn minn). Þurftum að gista í tjaldi í garðinum fyrir utan hjá Söru, því mamma hennar er með svakalegt ofnæmi fyrir hundum. Þetta gekk bara vel hjá okkur að vera með litla greyið í tjaldinu. Var reyndar svoldið kalt þegar annað okkar fór, en það reddaðist með því að setja teppi undir okkur og nota svo 2 sængur yfir

Skvísan mætti síðan í bæinn síðustu helgi og skelltum við okkur í afmælispartý til Hönnu Láru. Allir bara í svaka fíling þarna, og tekið vel á því... dömurnar duglegar að dansa við lögin og svona. Ákváðum síðan að skella okkur í bæinn og þegar leigubíllinn kom að ná í okkur, þá kom í ljós að ég þekki bílstjórann. Var að vinna með honum hjá Strætó og fékk að taka niður númerið hans til að geta bjallað í hann þegar við ætluðum heim. Komum síðan niður í bæ og skelltum okkur beinustu leið á Barinn(fyrrum 22). Dönsuðum þar af okkur skóna, og hitti líka Oddnýju æskuvinkonu þar... ekkert smá gaman að hitta hana eftir svona langan tíma Fórum síðan þaðan yfir á Glaumbar, eftir að hafa ætlað á Hressó. Ætluðum að hitta Flandrann á Glaumnum, en honum var víst grýtt út stuttu eftir að við komumst inn. Dyravarðafíflið sem henti honum út er víst eitthvað illa við karlangann eftir eitthvað vesen sem var á Flandranum fyrir mörgum öldum, talandi um að vera langrækinn. Vorum þarna inni í einhverja smástund í viðbót, kláruðum úr glösunum og fundum svo Flandrann hjá pulsubarnum(fyrir utan stóru klukkuna á Lækjartorgi). Flandrinn var að fá sér pulsu og Sverrir Bergmann stóð þarna í röðinni með honum. Hringdum síðan í gaurinn og létum hann pikka okkur upp, lentum síðan í einhverju kortaveseni en það reddaðist síðan allt á endanum.

Held ég láti þetta bara nægja í bili, enda örugglega enginn sem hefur nennt að lesa þetta allt saman

Afhverju ætli það sé að maður skrifar ekki nema með löngu millibili og skrifar þá heilar ritgerðir? Maður afsakar sig með því að maður sé svo hrikalega busy, en síðan er maður alveg ofboðslega busy við að gera ekki neitt

Anyways, þá kom Sara í bæinn á laugardagsmorguninn. Átti von á henni einhverntíman á meðan ég væri í vinnunni, þannig að ég var búinn að plana að taka bara úr lás svo hún kæmist inn að leggja sig. Heyrðu, haldiði ekki bara að skvízan hafi hringt í mig um 5 leytið og eiginlega grátbeðið mig um að koma niður og taka úr lás... sagði að hún vildi vera alveg 100% viss um að ég myndi ekki gleyma því. Síðan þegar ég kem niður og opna hurðina til að taka úr lás, þá stendur skvízan fyrir utan... og minn bara totally surprised Ég var síðan að vinna til eitthvað 3 eða 4 um helgina, en svo gerðum við nú ýmislegt sniðugt saman eftir vinnuna hjá mér. Skruppum í heimsókn til mömmu að kíkja á hvolpana. Gæti einmitt verið að ég taki annan þeirra að mér(ef það er í lagi með hann). Síðan á laugardagskvöldinu, þá bauð ég Söru út að borða og á Footloose beint á eftir matnum. Showið var bara alveg þokkalega flott, vel sungið og svona... en verð nú samt að segja alveg eins og er að það var frekar spes að heyra lögin á íslensku Á sunnudagskveldið dró daman mig í bíó og bauð mér í Vipparann, á The Break-up. Kannski aðeins of mikið gert úr dramanu í henni, en svona þar fyrir utan, þá er þetta svosem ágætasta mynd... líka alveg hægt að sjá svona takta í samböndum hjá sumum.

Hehehe vá hvað maður getur talað eitthvað af sér. Var niðri í mat um daginn, ásamt ömmu og afa og svo komu líka Gógó frænka mín og Billi maðurinn hennar. Við vorum eitthvað að tala um hvolpa, ég sagði þeim að mig langaði svoldið að fá mér hvolp og þá spurði Billi mig hvort ég væri að pæla í púðluhundum Ég var náttla fljótur að svara því að ég myndi sko aldrei fá mér púðluhund, því mér þætti þetta alveg hrikalega ljótir hundar... en mundi síðan eftir á að Billi og Gógó áttu einusinni púðlu

Alltaf heyrir maður eitthvað sniðugt í útvarpinu. Heyrði um daginn að David Hasselhoff ætlaði sér að gefa út rapp plötu. Ég er alveg á því að annað hvort verður þetta þvílíkt flopp að annað eins þekkist varla, eða þá að þetta verður bara nokkuð flott hjá kallinum. Mig langar náttla frekar að trúa því að hann geti þetta alveg, en það verður bara að koma í ljós. Heyrði síðan í vinnunni í morgun, þegar ég var að hlusta á Zúúber að þeir væru mjööög líklega að fara að standa fyrir vatnsbyssustríði í ágúst eða september. Þetta virkar þá þannig að þegar fólk skráir sig til leiks; þá skráir það nafn, heimilisfang, hvar maður er að vina og svo lætur maður mynd af sér fylgja með. Síðan virkar þetta þannig að hver og einn fær sent bréf frá Zúúber með upplýsingum + mynd af einhverjum öðrum gæja/gellu og þá á maður að fara út og reyna að finna viðkomandi og skjóta hann/hana. Ég sé þetta einmitt fyrir mér, fullorðið fólk úti í bæ með BIG ASS Supersoaker 5000 að elta fórnarlambið. Það sem má síðan nota eru; litlar vatnsbyssur, vatnsblöðrur og STÓRAR vatnsbyssur með pumpu. Stríðið stendur síðan yfir í 3 vikur og er það 24/7 dæmi, þannig að fólk sem skráir sig getur átt von á því að fá einhvern bankandi upp á heima hjá sér einn daginn, eða viðkomandi mætir í vinnuna til manns. Ef viðkomandi nær að skjóta mann, þá er maður úr leik og hann tekur við verkefninu sem maður var með. Leikurinn endar síðan eftir 3 vikur, eða ef einhver nær að komast yfir sitt eigið spjald(því þá er hann búinn að skjóta alla aðra). Þetta dæmi er nátta BARA geðveikt og ég ætla bókað mál að skrá mig, skora á ykkur hin að vera með líka

Heyrðu, setti síðan inn nýja skoðanakönnun.. hin náttla búin að vera þarna síðan 1700 og súrkál. Þessi er nú líka aðeins eðlilegri. Hin fór hinsvegar þannig að fólki fannst jafn ósmekklegt að klóra sér í pungnum og að klóra sér í rassinum á almannafæri. Fólki fannst hinsvegar minnst ósmekklegt að bora í nefið á almannafæri. Útkoman var hinsvegar svona: